觀塘抵食台式料理壹.01🩷

壹.01 @1.01_ig 📍觀塘駿業街56號中海日升中心2樓D號舖 . 位於觀塘嘅台式小店壹.01主打賣蛋餅、便當、台式特飲等，地點方便，啱哂喺附近一班OL嚟買外賣；依家2:30PM後仲有全單九折，非常抵食～ . 拉絲芝士火腿蛋餅 $39 : 餅皮厚薄適中，香脆帶煙韌，芝士味帶鹹香，帶拉絲效果，面頭再加上千島醬，好惹味～ 特盛辣椒大蔥排骨便當 $75 : 排骨大大塊炸得夠香脆，內𥚃鬆軟超入味，炒入大量大蔥同辣椒，仲有好多配料：台灣腸、鵪鶉蛋、酸菜、椰菜、西蘭花等，好豐富！ 特盛紫菜手撕雞便當 $79 : 手撕雞一疏疏，雞肉味香濃，肉質嫩滑，一樣有好多配料，面頭仲一座紫菜山，撈飯一流～ 酥炸花枝丸（3粒）$15 : 新鮮即叫即炸，面頭灑上椒鹽，香脆又Q彈～ 黑糖珍珠鮮奶（大） $40 : 黑糖同鮮奶嘅比例剛剛好，奶香濃郁，珍珠粒粒都Q彈煙韌～ 全手作芋頭鮮奶（小） $19 : 芋泥好綿密，每啖都飲到芋頭顆粒，伴入鮮奶，口感順滑～#台灣菜#九龍美食